काठमाडौँ । एक्सन स्टार विराज भट्टले
छोरा समीरलाई हिरोको रूपमा डेब्यु गराउन लागेको फिल्म हो ‘१२ गाउँ’ । फिल्ममा समीरको जोडीको रूपमा
न्यान्सी खड्का देखिने भएकी छन ।
विराजले न्यान्सीसँग फिल्म अभिनय विषयमा सम्झौता भएको जानकारी दिए
। ‘हामीले स्क्रिप्ट सुनायौँ, उहाँले मन पराउनु भयो । हाम्रो फिल्मको कथाले मागे जस्तो पात्र उहाँमा देखेकोले फिल्मका लागि अनुबन्धित गरेका छौ, विराजले भने ।
न्यान्सी ‘मिस नेपाल इन्टरनेशनल–२०२२’ विजेता हुन् । विराटनगर घर भएकी न्यान्सी व्यावसायिक मोडल समेत
हुन् भने उनले आम सञ्चार विषयमा अमेरिकाबाट स्नातक गरेकी छन् । केही समय अघि जापानमा आयोजित ‘मिस इन्टरनेश्नल’ मा नेपालको प्रतिनिधित्व गरेकी थिइन ।
सन् २०२४ भित्र रिलिज हुने बताइएको
फिल्ममा उच्च स्तरीय एक्सन पस्किने तयारी विराजको छ । नेपाली फिल्ममा एक्सन
भूमिकाबाट सुपरस्टार बनेका विराज पछिल्लो समय भोजपुरी फिल्ममा व्यस्त छिन ।
‘१२ गाउँ’ आगामी १५ चैत्रबाट छायाङ्कनमा जाने
तयारीमा छ । ठुलो बजेटमा निर्माण हुने बताइएको फिल्ममा विराज स्वयम प्रमुख भूमिकामा देखिनेछन् । ‘१२ गाउँ’लाई विराज
आफैँले निर्देशन गर्न लागेका हुन । सन्तोष सरकारको कथा तथा पटकथामा । '१२ गाउँ' विराजको
होमप्रोडक्सन कम्पनी विराज भट्ट फिल्म प्रोडक्सन कम्पनीको ब्यानरमा तयार हुनेछ ।