काठमाडौँ । फागुन २५ गतेबाट रिलिज हुने फिल्म ‘रङ्गेली’ को दोस्रो गीत ‘दुल्हा दुल्हन’ सार्वजनिक भएको छ । विवाह गीतको रूपमा तयार पारिएको गीतमा निशान भट्टराईको स्वर, सविन एकतारेको शब्द र सुशान्त गौतमको संङ्गीत रहेको छ ।
अभिनेता दयाहाङ राई र अभिनेत्री मिरुना मगरको विवाह समारोहमा भएको सांगीतिक कार्यक्रमको पृष्ठभूमिमा तयार गीतको भिडियोमा अभिनेता विजय बराललाई प्रमुख स्थान दिइएको छ । बराल भिडियोमा ‘कमेडी’ शैलीमा प्रस्तुत भएका छन । ‘रङ्गेली’लाई अर्जुन सुवेदीले निर्देशन गरेका हुन । फिल्ममा दयाहाङ राई, अर्पण थापा, मिरुना मगर, प्रवीण खतिवडा, रमेश बुढाथोकी लगायतको अभिनय छ ।
फिल्मका कार्यकारी निर्माता जीतेन्द्र खतिवडा र अनुज जङ्ग थापा हुन भने निर्मातामा संसार चौलागाईं र रमेश भट्टराई वशिष्ठ हुन । युवक कार्की र शिव शङ्कर चौलागाई सह–निर्माता हुन । विवेक खड्का (योलो) एशोसियट निर्माता हुन । छायाँकार सुशन प्रजापति रहेका छन ।
अमेरिकामा रेड कार्पेट प्रिमियर हुने बताइएको फिल्ममा नेपालसँगै अस्ट्रेलिया, जापान, कोरिया, हङकङ लगायतका विश्वका विभिन्न मुलुकहरूमा एकसाथ रिलिज तयारीमा छ ।
