काठमाडौँ । नवल खड्का निर्देशित फिल्म ‘काँडेतार’को ट्रेलर ओ एस आर डिजिटल यु टुब च्यानल मार्फत सार्वजनिक गरिएको छ । मंगलबार राजधानीमा आयोजित एक कार्यक्रमका बिच सार्वजनिक ट्रेलरमा सीमा अतिक्रमण र त्यसका लागि नेपाली जाग्नुपर्ने विषय उठाइएको छ ।
सामना फिल्मस् प्रा.लिको प्रस्तुतिमा तयार भएको यो फिल्मको
कार्यकारी निर्माता सत्यकला राई हुन् । फिल्ममा नवल खड्काको कथा, निर्माण र अभिनय समेत छ । नवल खड्का, गौरव पहारी,
सुरबिना कार्की, रेबिका गुरुङ, प्रशान्त यादव, मुरलिधर, प्रेम
सुब्बा, संजय खतिवडा लगायतका कलाकारको अभिनय रहेको फिल्ममा
मक्किको राई, अञ्जु केसी, नाडिया खड्का
र सानिया खड्का निर्माताको रुपमा छन् ।
शिवम् अधिकारी र नवल खड्काको पटकथा रहेको फिल्ममा
बन्दे प्रसाद र तारा थापाको सम्पादन, सौरभ
लामाको छायांकन, मणी थापा र दीपक शर्माको संगीत, श्री श्रेष्ठको एक्शन र कविराज गहतराजको कोरियोग्राफी छ ।
नेपालको सीमा स्तम्भमाथि भारतले बारम्बार गर्ने खेलबाडको कथालाई
फिल्मले विषयवस्तुको रुपमा प्रस्तुत गरेको छ । फिल्मले नेपाल र भारतको सिमानामा
काँडेतार लगाउनुपर्छ भन्ने सन्देश दिन खोजिएको छ ।